gibu

Wardruna

Vin sínum
skal maðr vinr vera
þeim ok þess vinr
en óvinar síns
skyli engi maðr
vinar vinr vera

Veiztu ef þú vin átt
þanns þú vel trúir
ok vill þú af honum gótt geta
geði skalt við þann
blanda ok gjöfum skipta
fara at finna opt

Ef þú át annan
þanns þú illa trúir
vildu af honum þó gótt geta
fagrt skalt við þann maela
en flátt hyggja
ok gjalda lausung við lygi

Ã?at er enn of þann
er þú illa trúir
ok þér er grunr at hans geði
hlaeja skaltu við þeim
ok um hug maela
glík skulu gjöld gjöfum

Ungr var ek forðum
fór ek einn saman
þá varð ek villr vega
auðigr þóttumk
er ek annan fann
maðr er manns gaman