Playlist Canções Napolitanas

canções napolitanas - a canzuncella

(ALUNNI DEL SOLE)

Che mm'e 'mparate a fa, che mm'e 'mparate a fa
Si doppo tantu tempo, te si scurdata 'e me,
e quanno me guardave, e ie pure te guardave
cull' uocchie me guardavo tutt' e mosse ca faciv'

Si 'nnammurate 'e me ma sienteme, chi t'o fa fà
E torna 'n'ata vota 'mbraccio a chillu llà,
Si 'nnammurate 'e me ma sienteme, nun ce pensa'
E torna 'n'ata vota addu chillu llà

Che t'aggio ditto a fa, che t'aggio ditto a fa
Pruvamme 'n'ata vota, pe n' ora po' bastà
Pe te sentì e parlà, pe te dicere ca po',
nun m'aspettavo niente a' te cchiu e chell' ca si stat'
Si 'nnammurate 'e me ma sienteme, chi t'o fa fa?.

Te si spugliata cca', te si spugliata cca'
Si bell' e nun ho saccio, comme faccio a te guardà
Te voglio bene ancora, ma se dice po' pe' ddi
E intanto t'accuntent' cu chesta canzuncella

Si 'nnammurate 'e me ma sienteme, chi t'o fa fa?.

canções napolitanas - a citta e pulecinella

T'accumpagno vico vico,
sulo a te ca si' n'amico...
e te porto p' 'e Quartiere,
addó' 'o sole nun se vére...
ma se vére tutt' 'o riesto...
e s'arápono 'e ffeneste;
e capisce comm'è bella,
'a cittá 'e Pullecenella!
Comm'è bella, comm'è bella,
'a cittá 'e Pullecenella...
Comm'è bella, comm'è bella,
'a cittá 'e Pullecenella...
Mme dispiace sulamente
ca ll'orgoglio 'e chesta gente,
se murtifica, ogne ghiuorno,
pe' na máneca 'e fetiente
che nun tènono cuscienza,
che nun tènono rispetto...
Comme fanno a pigliá suonno,
quann' è 'a sera, dint' 'o lietto?!...
Dint' 'o lietto, dint' 'o lietto,
quann' è 'a sera, dint' 'o lietto...
Dint' 'o lietto, dint' 'o lietto,
quann'è 'a sera, dint''o lietto...

Mo te porto a Margellina,
sempe ca nun tiene fretta,
verso 'e ccinche d' 'a matina,
quann' 'o traffico 'o ppermette...
Ccá è permesso tutte cosa,
no' pecché tiene 'o diritto...
ma pecché s'è sempe fatto...
o è sultanto pe' dispietto!...
Pe' dispietto, pe' dispietto,
o è sultanto pe' dispietto!...
Pe' dispietto, pe' dispietto,
o è sultanto pe' dispietto!...

Mme dispiace sulamente
ca ll'orgoglio 'e chesta gente,
se murtifica ogne ghiuorno...
e nuje ce mettimmo scuorno...
Ma nisciuno pò fá niente:
ce 'a zucammo 'a caramella...
Comm'è doce e comme e bella,
'a cittá 'e Pullecenella...
Comm'è doce, comm'è bella,
'a cittá 'e Pullecenella...
Comm' è doce, comm' è bella,
'a cittá 'e Pulecenella...

Comm' è doce, comm' è bella,
'a cittá 'e Pullecenella...
Comm' è doce, comm'è bella,
'a cittá 'e Pullecenella...
I' che sóngo musicante
e mme sento furtunato,
canto e sòno, sòno e canto,
chesta bella serenata...
E pecché só' 'nnammurato,
pecché forse ce só nato...
ma vedite comm'è bella,
'a cittá 'e Pullecenella!...
Comm'è bella, comm'è bella,
'a cittá 'e Pullecenella....
Comm'è bella, comm'è bella,
'a cittá 'e Pullecenella...
- SALE 1 TONO -
Comm'è bella, comm'è bella,
'a cittá 'e Pullecenella...
Comm'è bella, comm'è bella,
'a cittá 'e Pullecenella...

canções napolitanas - o marenariello

Oje né', fa' priesto viene!
nun mme fá spantecá...
ca pure 'a rezza vène
ch'a mare stó' a mená...
Méh, stienne sti bbraccelle,
ajutame a tirá...
ca stu marenariello
te vò' sempe abbracciá.
Vicin'ô mare,
facimmo 'ammore,
a core a core,
pe' nce spassá...
Só' marenaro
e tiro 'a rezza:
ma, p''allerezza,
stóngo a murí...
Vide ca sbatte ll'onna
comm'a stu core ccá;
de lacreme te 'nfonne
ca 'o faje annammurá...
Viene, 'nterr'a 'sta rena
nce avimm''a recrijá;
che scenne la serena...
io po' stóngo a cantá.
Vicin'ô mare,
......................
Oje né', io tiro 'a rezza
e tu statte a guardá...
li pisce, p''a prijezza,
comme stanno a zumpá!...
E vide, pure 'e stelle
tu faje annammurá...
ca stu marenariello,
tu faje suspirá...
Vicin'ô mare

canções napolitanas - o surdato nnammurato

Staje luntana da stu core,
a te volo cu 'o penziero:
niente voglio e niente spero
ca tenerte sempe a fianco a me!
Si' sicura 'e chist'ammore
comm'i' só' sicuro 'e te...
Oje vita, oje vita mia...
oje core 'e chistu core...
si' stata 'o primmo ammore...
e 'o primmo e ll'ùrdemo sarraje pe' me!

Quanta notte nun te veco,
nun te sento 'int'a sti bbracce,
nun te vaso chesta faccia,
nun t'astregno forte 'mbraccio a me?!
Ma, scetánnome 'a sti suonne,
mme faje chiagnere pe' te...
Oje vita....
Scrive sempe e sta' cuntenta:
io nun penzo che a te sola...
Nu penziero mme cunzola,
ca tu pienze sulamente a me...
'A cchiù bella 'e tutt''e bbelle,
nun è maje cchiù bella 'e te!
Oje vita....

canções napolitanas - cerasella

Mellune appíse, 'nzèrte 'e pummarole,
na pianta 'e rose tènnera e gentile...
a 'o viento na cammisa e doje lenzole:
Chist'è 'o balcone tujo...tu chesta si'...
Cerasella, Cerasè...
dint' 'o tiempo d' 'e llimone,
mme rialaste nu schiaffone...
Cerasella, Cerasè...
mo ch'è 'o tiempo d' 'e ccerase, tu mme vase...
Si' limone, si' cerasa...
sott''o sole ca te scarfa
te faje doce...
Si fa friddo, si' na mela...
e ll'ammore, dint' 'o core,
te se ge-e-la...
Cerasella, Cerasè...
Vola e dice 'sta canzone:
"Pe' ll'asprezza 'e 'sta canzone,
'o core mio, se fa limone..."

E tienatello ll'agro e damme 'o ddoce,
ca nun te pòzzo dí quanto mme piace,
si no faccio 'o cantante a meza voce
e campo juorne amare a suspirá!
Cerasella, Cerasè...
Per finire:
Cerasella, Cerasè'...
vola e dice 'sta canzone:
"Cu nu vaso o nu schiaffone
si' cerasa e si' limone!..."
si' cerasa...
si' limone...
Cerasella, Cerasè...

canções napolitanas - a rumba d e scugnizze

Chesta è 'a rumba d''e scugnizze
ca s'abballa a tutte pizze...
Truove 'e ddame, 'mpizze 'mpizze,
ca te fanno duje carizze
pe' te fá passá 'e verrizze...
Strette 'e mane, vase e frizze...
Pruove gusto e te ce avvizze,
cchiù te sfrine e cchiù t'appizze...
Comm'a tanta pire nizze,
te ne scinne a sghizze a sghizze,
fino a quanno nun scapizze...
Chest'è 'a rumba d''e scugnizze!
'O rilorgio, mo capisco,
pecché 'o cerco e nun 'o trovo...
steva appiso...E' ghiuto ô ffrisco:
c'è rimasto sulo 'o chiuovo...

'O chiuovo i' tengo!
Cic - cic - cic - cí...
Bell''e 'ammere!
Cic - cic - cic - cí...
Scarole ricce p''a 'nzalata!
Cic - cic - cic - cí...
Fenócchie!
Cic - cic - cic - cí....
'O spassatiempo!
Cic - cic - cic - cí...
Mo t''e ccoglio e mo t''e vvengo!
Cic - cic - ci - cí...
Gué, ll'aglie!
Cic - cic - cic - cí...

Chesta è 'a rumba d''e scugnizze...
Assettáteve, assettáteve!
ca s'abballa a tutte pizze...
'O quadrillo e 'a figurella!
Truove 'e ddame, 'mpizze 'mpizze...
'O mastrillo e 'a rattacasa!
ca te fanno duje carizze...
Quant'è bello 'o battilocchio!
Pruove gusto e te ce avvizze...
Pe' chi tene 'a moglie pazza!
Cchiù te sfrine e cchiù t'appizze...
Quatto sorde, 'o fenucchietto!

Comm'a tanta pire nizze...
te ne scinne a sghizze a sghizze,
fin'a quanno nun scapizze!
Chesta è 'a rumba d''e scugnizze!

Puparuole e aulive...
Magnáteve 'o cocco, magnáteve 'o cocco!
Rrobba vecchia...
Pallune p''allésse, pallune p''allésse!
'E mellune chine 'e fuoco...
Na bona marenna, na bona marenna!
Cotogne...
Gelati, gelati, gelati, gelati!
Conciatièlle...
'A pizza cu 'alice, 'a pizza cu 'alice!
Furno 'e campagna...
'E lazze p''e scarpe, 'e lazze p''e scarpe!
D''o ciardino, tutte secche...
'A capa d''o purpo, 'a capa d''o purpo!
'O Roma!...

Chella bella Mamma d''o Cármene v''o ppava:
Nun mm''o ppòzzo faticá!...

E' bellella 'a paparella!
Accattateve 'e piatte!
Seje tuvaglie cinche lire!
N'ata pianta p''o salotto!
Nocelline americane!
Tengo 'o ggrano p''a pastiera!
Pacchianè', chi s''o ppenzava?
Tiene chistu campo 'e fave!
Cicchignacco 'int''a butteglia!
'O zi' monaco 'mbriacone!
'O vveleno p''e scarrafune!
'A dummeneca addó' t''a faje?
Comm'a tanta pire nizze,
te ne scinne a sghizze a sghizze,
fino a quanno nun scapizze!
Chest'è 'a rumba d''e scugnizze!

canções napolitanas - resta cu

Ammore...Ammore...Ammore...
Dimme tu che ll'aggi''a dí...
dimme tu comm'aggi''a fá...
stasera...
dimane...
p' 'a fá restá?!...
Resta cu me
pe' caritá!
Statte cu me...
nun mme lassá!
Famme pená,
famme 'mpazzí,
famme danná...
ma dimme sí!...
Moro pe' te...
vivo pe' te...
Vita d' 'a vita mia...
nun mme 'mporta d' 'o ppassato,
nun mme 'mporta 'e chi t'ha avuto...
resta cu me...
cu me!...
STRUMENTALE
Ripresa: Moro pe' te...
vivo pe' te...
Vita d' 'a vita mia...
nun mme 'mporta d' 'o ppassato,
nun mme 'mporta 'e chi t'ha avuto...
resta cu me...
cu me!...

nun mme 'mporta d' 'o ppassato,
nun mme 'mporta 'e chi t'ha avuto...
resta cu me...
cu me!...

canções napolitanas - a casciaforte

Vaco truvanno na casciaforte!
E andivinate pe' ne fá che?
Non tengo titoli,
non vivo 'e rendita,
non ci ho un vestito pe' cuollo a me!...
Ma 'a cascia mi necessita...
Pe' forza ll'aggi''a tené!
Ce aggi''a mettere tutt''e llettere
che mi ha scritto Rosina mia...
nu ritratto (formato visita)
d''a bonanema 'e zi' Sufia...
nu cierro 'e capille,
nu cuorno 'e curallo...
ed il becco del pappagallo
che noi perdemmo nel ventitré...
Pe-re-pe-re-pe-re-ppe-ré....

Sono ricordi che in cassaforte,
sulo llá dinto t''e ppuó' astipá...
Quando mi privano
del companatico,
io 'ngótto e zitto senza sferrá...
Lo so! La vita è tragica,
ma 'a cascia...mme ll'hann''a dá!
Ce aggi''a mettere tutt''e llettere
che mi ha scritto Rosina mia...
Il mozzone di una steárica
(conficcato nella bugia),
na bambola 'e Miccio,
na lente in astuccio...
e una coda di cavalluccio
che mi ricorda la meglio etá!
Pa-ra-pa-ra-pa-ra-ppa-rá....

Vaco truvanno na casciaforte!
Ma a qua' casciere ce 'o vvaco a dí?...
Certe reliquie,
cierti cimeli,
si 'e ttiene 'a fore, pònno sparí!...
San Casimiro martire...
'sta cascia, famm''a vení!
Ce aggi''a mettere tutt''e llettere
che mm'ha scritto Rosina mia,
na cartella (di lire dodici)
rilasciata dall'agenzía...
Na máneca 'e sicchio,
na crástula 'e specchio,
na corteccia di cacio vecchio
e un fracchesciasso color cakí!
Pi-ri-pi-ri-pi-ri-ppi-rí....

canções napolitanas - mandulinata a napule

Sera d'estáte! Pusilleco lucente
canta canzone e addora d'erba 'e mare...
Voglio 'e pparole cchiù d'ammore ardente,
voglio 'e pparole cchiù gentile e care
pe' dí "te voglio bene" a chi mme sente.

Ma d' 'e pparole cchiù carnale e doce,
ne sceglio sulo tre: "Te voglio bene..."
Bella, 'int' 'o core tujo sacc'io chi tiene...
chi sta int' 'o core mio saje pure tu...

P' 'o mare 'e Napule
quant'armunia!
Saglie 'ncielo e, 'ncielo, sentono,
tutt' 'e stelle, 'a voce mia:
voce, ca tènnere,
st'ammore fa.
Notte d'estáte! Se só' addurmute 'e ccase...
e 'o cielo, a mare, nu scenario ha stiso!
Staje 'mbracci'a me, 'nnucente só' sti vase...
Bella, stanotte, te só frato e sposo...
Stanotte, Ammore e Dio, sóngo una cosa...
Canta: e da 'o suonno Napule se sceta...
ridono 'e vvocche ca se só vasate...
tutt' 'e suspire 'e tutt' 'e 'nnammurate,
suspirano, stanotte, attuorno a te...

P' 'o mare 'e Napule......

canções napolitanas - tu vuo fa l americano

Puorte o cazone cu 'nu stemma arreto
'na cuppulella cu 'a visiera alzata.
Passe scampanianno pe' Tuleto
camme a 'nu guappo pe' te fa guardà!
Tu vuò fa l' americano!
mmericano! mmericano
siente a me, chi t' ho fa fa?
tu vuoi vivere alla moda
ma se bevi whisky and soda
po' te sente 'e disturbà.
Tu abballe 'o roccorol
tu giochi al basebal '
ma 'e solde pe' Camel
chi te li dà? ...
La borsetta di mammà!
Tu vuò fa l' americano
mmericano! mmericano!
ma si nato in Italy!
siente a mme
non ce sta' niente a ffa
o kay, napolitan!
Tu vuò fa l' american!
Tu vuò fa l' american!
Comme te po' capì chi te vò bene
si tu le parle 'mmiezzo americano?
Quando se fa l 'ammore sotto 'a luna
come te vene 'capa e di:"i love you!?"
Tu vuò fa l' americano
mmericano! mmericano
siente a me, chi t'ho fa fa?
tu vuoi vivere alla moda...

canções napolitanas - scapricciatiello

"Scapricciatiellu mio, vatténne â casa
si nun vuó' jí 'ngalèra, 'int'a stu mese..."
Comme te ll'aggi''a dí ca nun è cosa?!
Chella nun è pe' te... chella è na 'mpesa!
Che vène a dí ch'è bella cchiù 'e na rosa
si po' te veco 'e chiagnere annascuso?
Lássala, siente a me, ca nun è cosa!
Tu, p' 'a bionda, si' troppo onesto:
chella è fatta pe' ll'ommo 'nzisto...
Alluntánate 'a 'sta "maésta"
ca te pierde, figlio 'e mammá...
Nun 'o vvide ca te repassa?
Te ciancéa cu ciento mosse...
T' 'o ffá credere e po' te lassa:
Te fa perdere 'a libertá!
Tutt' 'e mmatine, mamma, dint' 'a cchiesa,
prega, pe' te, 'a Madonna e nun repòsa...
Jett' 'o curtiello...nun fá 'o smaniuso,
si no tu vaje 'ngalèra e 'a bionda sposa!
curre add' 'a vecchia, va', cércale scusa!
Tu p' 'a bionda...

STRUMENTALE

Nun 'o vvide ca te repassa?
Te ciancéa cu ciento mosse...
T' 'o ffá credere e po' te lassa:
Te fa perdere 'a libertá!

"Scapricciatiellu mio, vatténne â casa
si nun vuó' jí 'ngalèra, 'int'a stu mese!"

canções napolitanas - o sarracino

Tene 'e capille ricce ricce...
Ll'uocchie 'e brigante e 'o sole 'nfaccia...
Ogne figliola s'appiccia si 'o vede 'e passá...
Na sigaretta 'mmocca...
Na mana dint' 'a sacca...
e se ne va, smargiasso, pe' tutt' 'a cittá...
'O sarracino,
'o sarracino,
bellu guaglione!
'O sarracino,
'o sarracino,
tutt' 'e ffemmene fa suspirá...
E' bello 'e faccia,
è bello 'e core:
sape fá 'ammore...
E' malandrino,
è tentatore...
Si 'o guardate ve fa 'nnammurá.
E na bionda s'avvelena,
e na bruna se ne more...
E' veleno o calamita?
Chisto a 'e ffemmene che lle fa?
'O sarracino,
'o sarracino,
bellu guaglione...
E' bello 'e faccia,
è bello 'e core:
tutt' 'e ffemmene fa 'nnammurá!
Ma na rossa, ll'ata sera,
cu nu vaso e cu na scusa,
t'ha arrubbato anema e core!
Sarracino nun si' cchiù tu!...
'O sarracino,
'o sarracino'
bellu guaglione!
'O sarracino,
'o sarracino,
tutt' 'e ffemmene fa 'nnammurá...
Sarracino, sarracino...

canções napolitanas - a sonnambula

Carmela è na bambola,
e fa 'ammore cu me...
Ma 'a mamma è terribile:
Nun mm' 'a vò' fá vedé...
Allora aggio truvato
nu bellu ritrovato:
Carmela fa 'a sunnambula
pe' mme vení a truvá...
E fa scema a mammá!
E cu 'a scusa ch'è na sunnambula,
chesta bambola, nèh, che fa?
Tutt' 'e ssere, pe' copp'a ll'ásteco,
vène a ll'ùnnece a passiggiá...
'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!
'O pate, 'On Arcangelo,
pe' dispietto nun vò'...
Lle sóngo antipatico
e mm'ha ditto ca no...
Ma a me che mme ne 'mporta?
Io tengo aperta 'a porta...
Carmela, comm''o ssolito,
mme vène a cunzulá...
E fa scemo a papá!!
E cu 'a scusa ch'è na sunnambula,
chesta bambola, nèh, che fa?
Tutt' 'e ssere, pe' copp'a ll'ásteco,
vène a ll'ùnnece a passiggiá...
'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!
STRUMENTALE
'Ncopp'a ll'ásteco ce stóngh'io
e lle dico: "Stó' ccá pe' te..."
E 'a sunnambula,
ch'è na bambola...
fa 'a sunnambula
'mbracci'a me!
E 'a sunnambula,
ch'è na bambola...
fa 'a sunnambula
'mbracci'a me!

canções napolitanas - i te vurria vasa

Ah! Che bell'aria fresca...
Ch'addore 'e malvarosa...
E tu durmenno staje,
'ncopp'a sti ffronne 'e rosa!
'O sole, a poco a poco,
pe' stu ciardino sponta...
'o viento passa e vasa
stu ricciulillo 'nfronte!
I' te vurría vasá...
I' te vurría vasá...
ma 'o core nun mm''o ddice
'e te scetá...
'e te scetá!...
I' mme vurría addurmí...
I' mme vurría addurmí...
vicino ô sciato tujo,
n'ora pur'i'...
n'ora pur'i'!...
Tu duorme oje Rosa mia...
e duorme a suonno chino,
mentr'io guardo, 'ncantato,
stu musso curallino...
E chesti ccarne fresche,
e chesti ttrezze nere,
mme mettono, 'int''o core,
mille male penziere!
I' te vurría vasá...
............................
Sento stu core tujo
ca sbatte comm'a ll'onne!
Durmenno, angelo mio,
chisà tu a chi te suonne...
'A gelusia turmenta
stu core mio malato:
Te suonne a me?...Dimméllo!
O pure suonne a n'ato?
I' te vurría vasá...

canções napolitanas - maruzzella

Ohé!
Chi sente?
E chi mo canta appriesso a me?
ohé,
pe' tramente
s'affaccia 'a luna pe' vedé!
Pe' tutta 'sta marina
'a Pròceda a Resína,
se dice: "Guarda llá,
na femmena che fa!"
Maruzzella, Maruzzè'...
t'hê miso dint'a ll'uocchie 'o mare
e mm'hê miso 'mpiett'a me
nu dispiacere...
Stu core mme faje sbattere
cchiù forte 'e ll'onne
quanno 'o cielo è scuro...
Primma me dice "sí",
po', doce doce, mme faje murí...
Maruzzella, Maruzzé'...
Ohé!
Chi mm'ajuta?
Si tu nun viene a mm'ajutá?
Ohé,
mm'è venuta
na voglia ardente 'e te vasá.
E vieneténne oje bella...
e damme 'sta vucchella
ca, pe' mm'avvelená,
'e zùccaro se fa...

Maruzzella, Maruzzè...

canções napolitanas