nuttata e sentimento

Massimo Ranieri

Che notte! Che notte!
Che luna! Che mare!...
Stasera mme pare
scetáto 'e sunná...
Cu st'aria serena
ca scippa da 'o core
suspire d'ammore,
durmí nun se pò!

Chiara è 'a luna,
doce è 'o viento,
calmo è 'o mare
oje Carulí'!...

'Sta nuttata 'e sentimento,
nun è fatta pe' durmí...

Luntano, luntano,
p''o mare turchino,
vulesse, a te 'nzino,
nu suonno sunná...
Nu suonno 'e ducezza,
nu suonno 'ncantato,
cu tico abbracciato,
sunnanno, murí...

Chiara è 'a luna,
doce è 'o viento,
calmo è 'o mare
oje Carulí'!...

'Sta nuttata 'e sentimento,
nun è fatta pe' durmí...

Cchiù bella, cchiù doce,
'sta notte sarría
si tu, vita mia,
venisse a vucá...
Na storia d'ammore
te conto, si viene,
si caro mme tiene,
rispunne ca sí!...

Chiara è 'a luna,
doce è 'o viento,
calmo è 'o mare
oje Carulí'!...

'Sta nuttata 'e sentimento,
nun è fatta pe' durmí...