MELHORES MÚSICAS / MAIS TOCADAS
bap - herr schmidt
Ich jonn nohm Chef en et Büro,
weil et Wedder ess ens schön hück.
Un ich hann keine Bock op Arbeit
für die läppsche paar Mark zehn, hück.
Ich roofe flöck ming Baby ahn
un saare ? Kind, mer jonn op Jaach".
Dä Boss säht: ?Jung, dat jitt er keine,
weil du ärbeits hück bess aach."Dat nerv mich ald sick Johre,
dat ich nie dat mache kann,
wofür ich Loss hann, jetz besonders,
wo mer endlich Sommer hann.
Daachs dropp säht minge Bapp für mich:
?Jung, hühr jetz endlich op ze stöhne,
nur wenn de ärbeits, Mann,
dann krisste och ming Kess für enn et Jrööne".
Ich saare: ?Hühr ens Bapp, ich hann kein Loss,
ich dunn, als wöör't mer schlääch".
?Ja Jung, dann krisste och die Kess nit,
dodropp hässte dann kei Rääsch."
Dat nerv mich ald sick Johre,
dat ich nie dat mache kann,
wofür ich Loss hann, jetz besonders,
wo mer endlich Sommer hann.
Dat halt ich knapp zwei Wochen uss,
doch dann platz mir minge Kragen.
Ich roof dä Bundeskanzler ahn:
?Herr Schmidt, ich muß sie mal was fragen".
Ich hann dämm Helmut dann dä Driss
met mingem Stress und su verzällt,
doch alles watte säht ess:
"Bursche, hast du mich denn auch gewählt?"
Dat nerv mich ald sick Johre,
dat ich nie dat mache kann,
wofür ich Loss hann, jetz besonders,
wo mer endlich Sommer hann.
bap - aff un zo
Aff un zo ess alles herrlich,
aff un zo och janz erbärmlich,
aff un zo jeht einfach alles schief.
Aff un zo hätt mer verloore,
aff un zo weed mer öm sieh Glöck bedroore,
aff un zo hällt mer die Uhre stief.
Manchmohl nimmste alles leich
un manchmohl fällt dir alles furchtbar schwer.
Et selve Glas kann morjens halvvoll sinn
un ohvends ess et dann halvleer.
Manchmohl schweb mer en Jedanke op Wolke
un steht met singe Fööß em Dreck.
Et kütt vüür, dat mer nit wiggerweiß
un et dann klapp em selve Augebleck, em selve Augebleck.
Aff un zo föhlt mer sich schutzlos,
aff un zo einsam un nutzlos,
aff un zo, wenn einer frööch: "Okay!"
Aff un zo ess mer dä Eezte,
aff un zo natürlich och ald ens dä Letzte,
aff un zo deit mer sich selver leid.
Jede Minsch mäht schon ens Fähler,
selvs dä Einstein hätt sich ens verdonn.
Nur eins darf mer nit verjesse:
Et jeht wigger hinger`m Horizont, hinger`m Horizont.
Aff un zo läuf alles super,
aff un zo ess mer dä Loser,
aff un zo steht mer sich selvs em Wääsch.
Aff un zo deit dir ding Seel wieh.
Aff un zo hätt mer janz einfach keine Plan mieh,
aff un zo jeht et uns janit schlääsch.
bap - ahnunfürsich
Wer säht dann, dat ich dich noch vermess un
ich hing nur noch vüür der Kess?Näächtelang, dat ess wirklich nit wohr.
Nä, em Ähnz, ich saach et dir, hühr mir joot zo:
Aff un zo sinn andre Fraue do, aff un zo.
Jo, ich kumme schon kloor.
Joot, ich drink jetz'e paar Droppe mieh,
doch, wat soll't et deit ech nit mieh wieh.
Hann die janze Buud renoviert, woot och Zigg un ich saach et dir:
Hätt sich rentiert, he ess nix mieh, wat zo dunn hätt met dir, nur om
Flur dat verstemmte Klavier.
Ahnunfürsich denk ich kaum noch ahn dich,
jarkei Problem ich hann alles om Schirm.
Ahnunfürsich denk ich kauf noch ahn dich,
ahnunfürsich.
Joot, ich hann länger nit opjerühmp
un dat Leejut künnt och weg, stemmp.
Ävver nit, dat mer he nix mieh fingk,
fing och nit, dat die Spöhlmaschin
noh Müllämmer stink
un dä Lou Reed noh Beerdijung klingk.
Wat weiß ich, wovun dä'm Augebleck singk!?
Nobby säht, et jööv ene Typ,
wo mer dich neuerdings off met sieht.
denk jetz nit, dat mir dat ir'ndjet mäht.
Jedenfalls, wenn dä läppsch weed, roof ahn, saach
mer Bescheid. Ich kumm jähn ens koot me'm Hammer vorbei un bring ihm
Maniere bei.
bap - amerika
Su sinn se also uss, die kääls,
Luhr ens, ene nejer hann se och dobei!
Luhr ens op dämm panzer dä,
Wenn et huh kütt, ess dä achzehn, dä hätt uns befreit!
Vüür dänne hann se uns jewarnt,
Wiesu hammer bloß ahn all dä driss jejläuv?
Die junge hann jet durchjemaat,
Vum kanal bess her ess wigg, wemmer durch mine läuf.
Wo die herkumme ess jetz naach,
Die schloofe jetz noch öm die zick, jenseits vum ozean.
Die hann hühser, hüher als dä dom,
Do läuf dä janzen daach nur jazz em radio.
Refr.:
Et heiß, do wöhr jeder glisch,
Ejal, ob ärm oder risch - amerika
Un do kräät jeder sing chance,
E paradies vun nem land - amerika
2)
Nä, amis he en unserer strooß
Jetz saach nit, du hätts et vun ahnfang ahn jewoss.
he , mister, hässte schokolaad?
Die kinder hann ihr angs als eezte affjelaat un se ahnjeschwaad.
Wat jööv ich für en lucky strike!
Ich rauche nur noch strüh, sick ner ewigkeit.
Wohl dämm, dä su ne kreech jewennt,
Denn dä kann fraue hann für paar nylonströmp.
Wo die herkumme hann se et joot,
Do woor kein einzije stadt je vun ner bomb bedroht.
Do drövve stonn all hühser noch,
Do weed jeder satt, weed jede meddaach wärm jekoch.
Refr.:
Et heiß, do wöhr jeder glisch,
Ejal, ob ärm oder risch - amerika
Un do kräät jeder sing chance,
E paradies vun nem land - amerika.
bap - anna
Do bess janz für mich do
su wie en Mamm für der Panz.
Wenn de Löwin sinn darfs
dann jisste dich ganz
do bess neugierich
selfsüchtig wie e klei Kind.
Jäjem Lot' sing Frau möhts
do ee Salzbergwerk sinn.
Anna
Anna
drieh dich nit öm
Anna
Anna
drieh dich nit öm.
Moondachs besste ne Friedhoff
Diensdaachs besste ne Pfuff
Mittwochs dräumste dich fruh
Donnersdaach stirvste em Suff
Friedaachs isste kei Fleisch
Sabbat arbeitste nie
spaars ding Kräfte für Sonndaachs
Annamarie.
Oh
do Annachronismus
bess en komische Frau
dingen Janus-Kopp stink mer
un dat weißte jenau.
Do wills Priesterin
Hex sinn
Torero un Stier
nur wenn de janit mieh durchblicks
frööhste och ens noh mir.
Ich hann de Haas voll von dir
un dinger Schizzophrenie
dämm ewje Hin und Her Hick Hack
ich pack et nit mieh.
Vun dinge Austausch-Jeseechter
ess nur eins nit zovil
wenn't sinn muß
mähßte so wigger
doch dann loss mich uss dem Spill.
bap - arsch huh , zäng ussenander
1)
Du mähs et Fröhstöcksfernsehn ahn un
selvsverständlich wie die Wetterkaat
kütt unger ferner liefen,
wo se wievill Asylante plattjemaat.
Na klar, dä Mob hätt widder randaliert,
dä Bürjer applaudiert:
" Die Kanakken sinn ald ömquartiert,
die Naach hätt sich rentiert."
2)
Du jehß ding Brühtcher holle,
su wie jeden Morje waatste an dä Thek.
do löht ne Typ em Blaumann Sprüch aff,
bei dänne et dir nur kotzschlääsch weed.
Du denks: Nur russ he, wat ess bloss passiert,
dat kein Sau reajiert?
Wiesu`s e janz Land am kusche,
als wöhr et paralisiert?
Refr.:
Wie wöhr et wenn du dämm Blaumann jetz sähs,
dat du Rassistesprüch janit verdrähs?
Wenn du en vüür dä Lück blamiers,
endämm du'n einfach oplaufe löhß?
Un övverhaup: wemmer selver jet däät,
wemmer die Zäng ens ussenander kräät?
Wenn mir dä Arsch nit huh krieje,
ess et eines Daachs zu spät.
3)
Woors du dat nit, dä singem Vatter nie
et Stillhahle verzeihe kunnt,
weil dä sich domohls arrangiert hätt,
bess er schließlich vüür dä Trömmere stund?
Wie wöhr?t, wenn du ding Ideale
langsam ens vertredde dääts?
Oder will du em Ähnz drop waade,
dat dat irjendeiner für dich mäht?
Refr.:
Wie wöhr et, wemmer selver jet däät,
(2x)wemmer die Zäng ens ussenander kräät?
Wenn mir dä Arsch nit huhkrieje,
ess et eines Daachs zo spät.
4)
Dä Schuhß ess fruchtbar noch,
uss dämm die Nazibrut russkroch.
Jetzt jilt et: Arsch huh, Zäng ussenander,
jetz, nit nähxte Woch!
bap - asphaltpirate
Nightliner noh Bremen, platte Wallachei,
widder ens Fröhnebel, Autobahn noch frei,
Thermoskanne - Kaffee, vill zo vill jerauch,
ejal für wer mer arbeid, miehstens vill zo winnisch Schloof.
Nä, Jeld ess et bestemp nit, wiesu mer dä Job mäht
joot, aff un zo schon, kütt drop ahn für wer mer fährt.
Kenns jede Hall usswendisch, jed'Brett vun jeder Bühn,
jed' Echo, jed' Akustik, weiß wo et Probleme jevve künnt.
Manchmohl sinn paar Jeseechter dir he un do vertraut.
En Zicklang hattste'n jeder jrößre Stadt en Braut.
Eintaachsfleeje hässte Jeneratione övverlääv,
un du spürs janz jenau, wer cool ess un wer su deit .
Teddy, jrööß mir die Junge, dä Ress vun dä Crew,
die Nas' un dä lange Blonde un och dä Klein uss Peru.
Jrööß mir die janze Kraade, dä Jagger, dä Fesch,
jrööß die Asphaltpirate, ich denk off ahn üch.
Teddy, ahle Cowboy, Söldner, Legionär,
dat sich uns Wääsch zoletz jekrüzz hann ess jetz eez'e paar Daach her.
Ich stund em Publikum, du kunnts mich kaum en all dä Minsche sinn,un
ich woss och nur, dat du dosinn mohts, wäje dä Fahn nevve dä Bühn
dä schwazze met dämm Schädel un ich woss dir jing et joot,
die trickste nämlich nur huh, wenn sich et Zohühre lohnt.
Teddy, jrööß mir die Junge, dä Ress vun dä Crew,
die Nas' un dä lange Blonde un och dä Klein uss Peru.
Jrööß mir die janze Kraade, wo immer ihr sitt,
jrööß die Asphaltpirate, bahl wöhr et widder su wigg.
bap - bahnhofskino
En Naach wie manche, isch lieje wach.
Ne blasse Mohnd, am Chlodwigplatz brems en Strooßebahn.
Kaum ze gläuve, dat en Stadt wie die he och ens still sinn kann,
bloß do es ne Film en mir un dä läuf immer widder vun vörren ahn.
Ohne Handlung, Hauptdarsteller,
en dämm Film ess jeder Statist,
en nem Tunnel, dä "Zuflucht" heiß,
doch nur en janz billije Endstation ess.
Ruude Teppich vüür der Rezeption,
un dohinger - wie'n Flunder, su flach - steht ne Zinnsoldat,
dä singe Text joot drophätt, doch dä kennt mer schon.
Mer weiß bloß nit, ob vun nem Steckbreef oder nem Wahlplakat,
Paar Schritt wigger läuf russisch Roulett,
für Schutzengel, die arbeitslos sinn.
Dä Revolver, dä rundjeht, ess secher,
denn do sinn sechs Kugele drinn.
Weed et niemieh hell em Parkett?
Saach, ess schon alles ze spät,
he, en dämm Bahnhofskino?
Et jeht e Drohtseil vun nem Minarett,
bess zo nem Dom, dä als Parkhaus verkleidet de Luff ahnhällt.
Drop balanciert e leer trojanisch Pääd.
"Wat soll dat?", brüllt et noch, et et en Zeitlupe runderfällt.
Et weet em Namen des Volkes verwarnt,
vun nem Henker, dä veitsdanz un tobt.
Einfach falle wöhr unverantwortlich,
mer sööße all em selve Boot.
Einstein, dä em Schatten vun ner Bomb,
Rotz un Wasser flennt, weil och he keiner ihm nöherkütt
un ihm beim Kreuzworträtsel hilf, beim letzte Woot:
-afrikanischer Fluß mit drei Buchstabe- fingk er nit.
Vun Berg Sinai kütt övver Fernschreiber
jetz jraad et elfte Jebot,
während Dürer die apokalyptische Reiter
noh Zahle buntmohlt.
Castaneda, Karl May, Brecht, Wilhelm Busch, Chuck Berry un Fritz Lang
pokern öm et Patent vum Perpetuum Mobile.
Dä ewije Verlierer waach alles, setz op Null un spreng die Bank.
Et räänt Petrodollar, Silberlinge, Lire, Yen, Peseten, Drachmen
un Deutschmark, die allesammp nit koscher sinn.
Denn op all dä Münze ess Janus drop,
dä ävvens enttarnt woot als pawlowsche Hungk,
jed zweit Hummelfijürche drieht durch
un mäht och noch zo jooderletz Stunk.
Uss Verzweiflung setz sich Aga Khan
singe joldene Schoss en ner Nische, wo 'n keiner sieht
un schrief met Leppesteff: Midas ess bloß ne Scharlatan
op die Scherve vum Spiejel en der Präsidentensuite.
Buster Keaton laach sich halv kapott,
weil en immer noch kein Sau versteht,
denn dat Leech do ahm Eng vun dämm Tunnel
ess en Panoramatapet.
Dä Morje es grau, do schlööfs en mingem Ärm.
Dinge Odem jeht ruhig, die Turmuhr schläägt fünfmohl ahn.
E Nebelhorn vum Fluß her, noch relativ wigg entfernt
wie 'n Fanfare zum nähxte, alltächliche Babylon,
en dämm Fortschritt Zerstörung bedück,
dat sich affingk met jedem Verlust.
Hätt dat Kind en dir wirklich nur'n Changs
wie se 'n Schneeflock hätt, Mitte August?
bap - besser wöhr et schon
Et weed enger, dat weiß mer sick Johre. Dä Jan hätt
och jetz sing Arbeit verlore. Hann ich doch jesaat:
Lang ess ussjemaht, dat die ir'ndwann, övver Naach,
zomaache un dat woor't dann. T'ess övverall su,
ir'ndwie dä Wahnsinn. "Weltweite Krise", tja, künnt
jet draan sinn. Ech, ich weiß nit, wodraan et litt, wer
et dann nu woor, wer die Kaar'n der Dreck kutschiert
hätt. Oh, Mann, wie lang gläuvte mir dodraan, dat die
Chefetage do noch für uns draan drieht! Wer weiß,
ahm Engk wöhr dat nit passiert, hätt sich unsereinsens fröh jenooch jewehrt.
Besser wöhr et schon, et möht sich bloß ens wer
bemöhe. Besser wöhr et schon, wiesu jraad ich?
Ich hann zo dunn. Besser wöhr et schon, doch wat
ess hück schon noch wie fröher? Besser wöhr et
schon nur, wie jesaat: ich hann zo dunn.
O.K. Mann, mer will jo nit klaare. Nä'm Ähnz,Mann, et ess zo erdraare. Schad eijentlich, wat et
Tanja un ich uns sick'e paar Johr alles en de Hoor
jeschmiert hann! Oh, Mann, hätt ich bloß noch ensdie Chance, wenn du wöss, wie't Tanja mich ens
fasziniert hätt. Wer weiß, ahm Engk wöhr dat nit
passiert, hätte mir uns mieh fürnander intressiert.
bap - bleifooss
Sick aach Stund ahm Stüer;
Nieselrään un stur jraaduss, naahx öm vier,
un trotzdämm zweiunhalv Stunde noch, unjefähr.
"Blend du ruisch op!
Schloof ich och nit enn, ich dank dir, du Kopp!"
Jeschloofe weed doheim em Bett, nevven ihr.
Romantisch ess do janix draan,
dat ess Kilometerfresserei un sons nix.
Mann, oh Mann, luhr dir dä Tacho ahn:
jraad schlappe Hundert, janz ejal, wie d'en tritts.
En andre Kassett.
Wo hätt die vum Richards sich bloß widder versteckt?
Na, also: "How I wish, that you were here!"
En'ner Stund weed et hell,
Tass Kaffee, tanke, schnell noch en Frikadell.
Ach Leevje, löösch ich doch em Bett nevven dir!
Kenn jede Meter Autobahn
usswendisch zwesche Kiel un Rosenheim.
Mann, oh Mann, kenn jede Strouch beim Name,
jed Bröck, jede Kilometerstein.
Bleifooss de Leitplank lang,
die Naach krüvv vorbei
un ahn dämm Bleifooss 'ne mööde Mann,
verfluchte A 3.
Bleifooss de Leitplank lang,
des Naahx koot noh vier
un ahn dämm Bleifooss 'ne mööde Mann,
dä will heim noh dir.
Aachunhalv Stund ahm Stüer,
Nieselrään un stur jraaduss. Unjefähr
jetz noch zwei Stund, bess ich doheim vüür der Dühr.
Romantisch ess do janix draan,
dat ess Kilometerfresserei un sons nix.
Mann, oh Mann, luhr dir dä Tacho ahn:
jraad schlappe Hundert, janz ejal, wie d`en tritts.
Bleifooss de Leitplank lang,
die Naach krüvv vorbei
un ahn dämm Bleifooss 'ne mööde Mann,
verfluchte A 3.
Bleifooss de Leitplank lang,
des Naahx koot noh vier
un ahn dämm Bleifooss 'ne mööde Mann,
dä will heim noh dir.
bap - blonde mohikaner
He un do 'e jrau Hoor
Hemde öm de Hüfte spack
Füerwasser
Uhrring
ruude Hand un Ledderjack
stiller als vüür Johre
weiser "alles halv su wild".
Tonneschwer Verjangeheit schlepp jeder met sich römm
es halt passiert
.
Dä Eddie fährt jetz Taxi nahx un schlööf dofür ahm Daach.
Dat Foto vun däm Klein ahm Spejel hält en miehstens wach.
dat Sonja 's jetz en Jütersloh
meld sich su joot wie nie.
Woor och wohl zovill verlangk,janz ohne Plan un ohne Jarantie.
Blonde Mohikaner
die om Kreechspfad sich verirrt
blonde Mohikaner
wer waach verliert.
Dä Häbäät kohm uss Magdeburg
kaum wöör die Muer op.
Dä Draum woot wohr
nä
nix wie fott un Durchzoch en dä Kopp.
Nur westwärts un kein Lüje mieh - op dich hann die jewaat.
Doch leider en et Knee jefick
kumm Häbäät
jeht schon klar!
Blonde Mohikaner
die om Kreechspfad sich verirrt
blonde Mohikaner
wer waach verliert.
bap - bunte trümmer
Millionen Kaffeetassen später stehst du immer noch davor
vor deinem Scherbenhaufen
den du jahrelang verdrängt.
Du gäbst ein Königreich dafür
könntest du dich doch nur
konzentrieren
auf einen einzigen Gedanken
wenn auch nur für einen Moment.
Die abgerissenen Blätter vom Kalender
zählst du jetzt schon lange nicht mehr.
Die Zahl der Augenblicke
die sie fort ist
weißt du auch so.
Verfluchst dich
weil du dich schon wieder suhlst
in chronischer Melancholie.
Doch deine Unfähigkeit
das zuzugeben
ist nicht mehr tabu.
Es ist deine Erinnerung
die Fallen stellt
die golden das ausschmückt
was einigermaßen o.k. war;
der Rest
der bleibt verstaubt.
Bunte Trümmer
als wär nichts Besond'res zerstört
bloß ein Spiel aus;
bloß die Pokerpartie mit zehn Assen und mehr - das Kartenhaus.
Seit Wochen laufen Filme kreuz und quer
hin und her;
ausgelaugt
du fühlst dich aufgebracht
du fühlst dich völlig leer.
Die Vorhänge zu
du willst die Sonne nicht sehen
willst tun
als wäre sie hier;
oder als ob sich ihr Schlüssel jetzt gerade dreht im Schloß.
Als ob das Telefon einen Salto schlagen würde
am anderen Ende wäre
sie.
EinTelegramm käme an
oder ein Brief von ihr wäre bei der Post.
Du willst sie spüren
willst sie berühren; ruf' mich an!
Bloß nie mehr schwören: ich gehöre - . Dann laß es doch
Mann!
Bunte Trümmer
als wär nichts Besond'res zerstört
bloß ein Spiel aus..
Bunte Trümmer
als wär nichts Besond'res zerstört
bloß ein Spiel aus;
bloß die Pokerpartie mit zehn Assen und mehr - das Kartenhaus.
Bunte Trümmer
als wär nichts Besond'res zerstört
bloß ein Spiel aus;
bloß die Pokerpartie mit zehn Assen und mehr - das Kartenhaus.
Bunte Trümmer
als wär nichts Besond'res zerstört
bloß ein Spiel aus;
bloß die Pokerpartie mit zehn Assen und mehr - das Kartenhaus.
bap - cello
Jeträmmp, met dem Moped
oder schwazz met der Bahn,
immer benn ich dir irjendwie hingerherjefahre.
Nä, domohls hann ich kei Konzert vun dir versäump
un nahx kunnt ich nit schloofe,
oder wenn, dann hann ich vun dir jedräump.
Du kohms me?m Cello
en jede Saal en uns?rer Jäjend.
Ich sooß immer en der eezte Reih,
du woors unfassbar erregend.
Cello,du woors ens en Göttin für mich
un manchmohl soochs du mich ahn
un dann daach ich: "Mann - oh - Mann !"
Un dann woor ich widder völlig fäädisch.
Un hück wonnste irjendwo
un dat Cello steht em Keller.
Kumm, pack dat Dinge noch ens uss
un spill su schön wie fröher.
Cello,du woors ens en Göttin für mich
un manchmohl soochs du mich ahn
un dann daach ich: "Mann - oh - Mann !"
Un dann woor ich widder völlig fäädisch.
Jo, ich woor ständig do
un dat hätt dich dann övverzeuch.
Mer wollten immer zosammeblieve
un övverhaup, met dir, dat woor su jrooß,
dat kammer janit beschrieve.
Cello,du woors ens en Göttin für mich
un manchmohl soochs du mich ahn
un dann daach ich: "Mann - oh - Mann! "
Un dann woor ich widder völlig fäädisch.
bap - denn mer sinn widder wer
Wo mer och hinluhrt: Nur noch Deutschland,
su penetrant, wie ich et noch nit kannt,
als jööv et sons nix mieh.
En Zeidung, Fernsehn un em Radio,
em Bus un ahn der Wand vum Männerklo,
als jööv et sons nix mieh.
Mir sinn der Nabel der Welt,
nur ahm Tellerrand hällt
uns Phantasie.
Kei Jewesse mieh quält,
deutscher Fleiß un deutsch Jeld,
sons zällt janix mieh.
Denn mer sinn widder wer,
zwesche Alpe un Meer
un vum Rhing bess zur Oder, wie lang nit mieh.
Mir sinn fürchterlich stolz,
schwenke schwazz, ruut un jold,
singe Hymne su laut, wie lang nit mieh.
Deutschbesoffe vüür Glöck,
keine Bleck mieh zoröck,
nur noch vörrahn, wie Panzer, wie lang nit mieh.
Wer nit metläuf, hätt Pesch,
Op de Sick, uss dem Wäsch!
He kütt Deutschland, wie lang nit mieh.
Symptome kollektiver Amnesie
un jedem Parasit der Euphorie
jeht mer jetz op der Liehm, fällt jubelnd op en rinn.
Met deutscher Reichsfahn un met Bomberjack
misch met, em Jröößenwahn, dat brunge Pack,
beim Danz öm et joldene Kalv. "Wer danze will, dä darf".
Mir sinn der Nabel der Welt,
nur ahm Tellerrand hällt
uns Phantasie.
Kei Jewesse mieh quält,
deutscher Fleiß un deutsch Jeld,
sons zällt janix mieh.
bap - deshalv spill mer he
He du do - un du - wann ess et he su wigg,
Dat mer de Muhl opmaache darf, wemmer jet saare will,
weet höchste Zick,
dat die Versteckspill-Rejel niemieh interessiere,
?t weiß jeder längs, wat üch un uns bedroht
un wer?t noch nit weiß, soll et endlich hühre, dat woll mer fiere - grenzenlos.
Kütt ruisch nöher un hührt zo,
die drei Strophe he sinn janz speziell für üch.
Worümm mer he sinn, ess womöglich nit janz klar,
su wie?t och secher ess, dat ei Leed nit jenüsch,
öm all die Vorurteile affzebaue, die sick drissisch Johr vun Kahle Kreejer
huhjeschätz en Ost un West,
weil?t ess schön simpel, wenn och jrausam, wemmer alles wie bisher
en e schwazz weiß un gut un böse Schema presst
Wie off schon hann se üch un uns domet beloore,
die Angs jeschürt en Bundeswehr un Volksarmee,
uns wo?t jing öm jed Jemeinsamkeit bedroore?
Domet dat ahnfäng opzehühre spill? mer he.
Wo mir herkumme weet et kälder Daach für Daach,
?t sinn Pharisäer, die sich Christe nenne, draan,
doch wer sich wie nennt ess bekanntlich jo su?n Saach,
loss uns nur Minsche sinn, ob Frau, ob Kind, ob Mann.
Mer spille he, öm üch ze treffe, selvs ze spüre, wat he loss ess,
Hann uns eijene un kein jespaldne Zung,
sinn nit op Beifall uss der falsche Eck scharf, nä, mer wolle bloß
beim Klartext blieve, ohne jed Beschönijung.
Mer sinn jespannt op jede Schwester, jede Brooder
Vum Erzjebirge huh bess zur Ostsee,
vun Eisenach bess Frankfurt ahn der Oder,
Mir freu?n uns wie bekloppt un deshalv spill? mer he.
Un nochnet, falls et nit schon ohnehin bekannt,
dat ahn die Klique, die sich "Volksvertreter" nennt:
Uns kritt ihr vüür kein offizielle Kahr jespannt,
he, wo jet andres unger unsre Näjel brennt,
denn mir hann Frönde he, die hann kein weiße Duuv op blauem Grund,
die hann ne Schmied, dä mäht e Schwert jraad zo nem Plooch,
en SS 20 zo nem Traktor un en Pershing zo ner Lok,
die hann vum Rüstungsschwachsinn su wie mir jenooch,
?t sinn Pazifiste ohne wenn und aber,
ohne Hingerdühr, die saare "NÄ",
die hann - wie mir - die Naas voll vun dämm janze Laber,
janz besonders für uns Frönde spill? mer he.
Cds bap á Venda
Mande para o Facebook
Mande para o Twitter
Tocar Músicas do bap em modo aleatório
Todas as Músicas